Një familje norvegjeze ka shkaktuar reagime të forta në internet pas publikimit të një mënyre të pazakontë për të çuar foshnjën e tyre 10-muajshe në eksplorimin e Shpellës së Smaraldtë në ishullin Koh Mook në Tajlandë.
Tora (32) dhe Marcus (31), të njohur në rrjetet sociale si @torastravels, udhëtuan në pesë shtete me fëmijën e tyre, dhe një nga përvojat e tyre më të pazakonta shpejt tërhoqi vëmendjen e publikut.
Ata publikuan në TikTok një video ku shfaqen duke kaluar përmes shpellës duke notuar, ndërsa foshnja e tyre ndodhet në një kuti plastike. Videoja ka mbledhur deri tani më shumë se 530 mijë shikime dhe mijëra pëlqime.
Shpella e Smaraldtë (Tham Morakot) është një nga atraksionet më të njohura të Tajlandës.
Vizitorët duhet të notojnë përmes një tuneli 80 metra të gjatë për të arritur në një plazh të fshehur me një lagunë me ujë kristal të pastër, të rrethuar nga shkëmbinj të lartë. /Telegrafi/
@torastravels Core memory unlocked 🥹 #thailand #babytravel #bungalow #travel #baby ♬ today was a good day – ✗