Lajmit për njohjen e Pavarësisë së Kosovës nga Barbadosi, i është gëzuar edhe presidenti i Kosovës, Hashim Thaçi.
Përmes një njoftimi në Twitter, Thaçi ka thënë se kjo njohje është dhurata më e mirë për këtë dhjetëvjetor të Pavarësisë së Kosovës.
“Faleminderit Barbados për njohje të Pavarësisë së Kosovës. Kjo është dhurata më e mirë për këtë dhjetëvjetor”, ka shkruar Thaçi në Twitter.
Ndërkaq, që nga shpallja e pavarësisë më 17 shkurt të vitit 2008, Kosovën e me këtë të fundit e kanë njohur 116 shtete, dhe është bërë anëtare e shumë organizatave ndërkombëtare, përfshirë edhe organizatat më të rëndësishme financiare dhe sportive.
Ndërsa e arritura kryesore e Kosovës në raportet me BE-në, mbetet Marrëveshja e Stabilizim Asocimit, e cila ka filluar të zbatohet nga prilli i vitit 2016.
Ndryshe, për kundër paralajmërimeve të zyrtarëve më të lartë të shtetit, Kosova nuk arriti të bëhet anëtare e UNESCO-s (Agjencisë për Kulturë, Shkencë dhe Arsim e Kombeve të Bashkuara), Këshillit të Evropës dhe as INTERPOL-it (Policisë Ndërkombëtare)./Telegrafi/
Thank you #Barbados for recognising #Kosovo tonight! Best birthday gift for Kosovo celebrations of independence! #Kosovo10 #Kosova10 ????
— Hashim Thaçi (@HashimThaciRKS) February 15, 2018
