Ky është momenti rrëqethës kur një burrë me mjekër shihet nga kamera e sigurisë, duke rrëmbyer një grua që bërtiste dhe kërkonte ndihmë para derës së një shtëpie private në Hillsboro të Oregonit, SHBA.
Pamjet rrëqethëse ndihmuan policinë në zgjidhjen e rastit të rrëmbimit në Portland – duke arritur të arrestojnë të dyshuarin, transmeton Telegrafi.
Gruaja i bie ziles në një shtëpi private, derisa nga mbrapa i afrohet burri i cili e kap me forcë dhe e fut brenda një veture me të cilën largohet me shpejtësi.
Policia thotë se gruaja tani është e sigurtë, kurse për kapjen e të dyshuarit u janë nevojitur që të kalojnë vetëm 24 orë.
I dyshuari dhe viktima njiheshin me njëri tjetrin, ndërsa ai tani do të akuzohet për rrëmbim. /Telegrafi/
