Metroja e Delhit është kthyer në një mjet shpëtimi për qytetin indian në 20 vjet dhe konsiderohet si një nga mjetet më të përshtatshme të transportit.
Megjithatë, këto ditë, ka qenë kryelajm për arsye të çuditshme që kanë të bëjnë kryesisht me sjelljen e pazakontë të pasagjerëve.
Në internet janë shfaqur disa video me zënka të rastësishme, shfaqje publike të dashurisë, kërcime dhe veshje të çuditshme, duke i lënë njerëzit pa fjalë, përcjell Telegrafi.
Tani, është publikuar një video tjetër e cila tregon dy deri në tre persona të përfshirë në një zënkë.
Klipi, i shpërndarë në X nga një llogari e quajtur ‘Ghar Ke Kalesh’, fillimisht tregon dy burra të përfshirë në grindje me grushte për një mosmarrëveshje në sportelin e biletave.
Një person i cili qëndronte në një rresht tjetër, u përpoq të qetësonte situatën, por njëri prej burrave e tërhoqi zvarrë në sherr dhe e goditi nga pas.
Kalesh b/w two uncles inside Delhi metro over buying coins
pic.twitter.com/0Zcy8dvrDs— Ghar Ke Kalesh (@gharkekalesh) July 10, 2024
Shkaku i saktë i përleshjes mbetet i paqartë. Vendndodhja e stacionit të metrosë gjithashtu nuk dihet.
Megjithatë, videoja është bërë virale dhe ka mbledhur miliona shikime. /Telegrafi/