Një 55-vjeçar, banor i zonës së Lunxhërisë në Gjirokastër, ka humbur jetën në një aksident të shtunën pasi e ka zënë poshtë traktori, të cilin po e drejtonte në një sipërfaqe bujqësore.
Bëhet me dije se ngjarja ka ndodhur në fshatin Karjan.
55-vjeçari nuk ka mundur t’i mbijetojë dëmtimeve të marra nga përmbysja e mjetit bujqësor, me të cilin po punonte tokën.
Ndërkohë që policia dhe grupi hetimor ndodhen në vendngjarje dhe po punojnë për zbardhjet e plota të rrethanave të aksidentit.
“Në datën 10.06.2023, rreth orës 20:20, në fshatin Karjan, Gjirokastër, shtetasi K. S., rreth 59 vjeç, duke udhëtuar me mjetin zetor në rrugën rurale të fshatit Karjan, mjeti është përmbysur dhe e ka zënë poshtë shtetasin K. S., i cili për pasojë ka humbur jetën”, njofton policia./Euronews.al/