Për herë të parë nënkryetar i Komunës së Graçanicës, është zgjedhur një shqiptar.
Leutrim Ajeti, i cili është zgjedhur asambleist nga “Aleanca Shqiptare”, ka marrë besimin për të qenë nënkryetar për komunitete i Komunës së Graçanicës.
Ajeti përmes një postimi në Facebook, ka falënderuar të gjithë qytetarët për besimin dhe përkrahjen.
Tutje ai ka shkruar se do të përfaqësoj denjësisht besimin e qytetarëve në këtë komunë, pa dallim.
“Me propozim të Kryetares së Komunës znj. Liljana Shubariq, Kuvendi Komunal i Graçanicës sot më emëroi nënkryetar të Komunës për Komunitete. Së pari falënderoj të gjithë qytetarët që në zgjedhjet e fundit besuan në mua, e më pas edhe kryetaren e Komunës dhe Kuvendit Komunal në Graçanicë. Do të jem zëri i çdo qytetari të Komunës së Graçanicës, pa dallim etnie, feje e gjinie dhe me përgjegjësi të lartë do t’i kryej obligimet e mia me të cilat u ngarkova sot” shkruan Ajeti. /Telegrafi/
