Mesfushori i Arsenalit, Albert-Moyo Sambi Lokongo i është bashkuar Sevillës në një marrëveshje huazimi të cilën klubi spanjoll e ka mundësinë ta bëjë të përhershme nëse dëshirojnë.
24-vjeçari kaloi dy sezonet e kaluara në formë huazimi tek Crystal Palace dhe Luton Town në mungesë të minutave nën urdhrat e Mikel Artetës.
Lajmin që Sevilla e ka të përfshirë opsionin e blerjes së kartonit e konfirmoi Fabrizio Romano i cili tha se vlera e tij është rreth 12 milionë euro.
Në rast se Sevilla e ekzekuton këtë opsion, atëherë Arsenali do të mbante 25 për qind të shitjes së tij të ardhshme.
🔴⚪️ Official, confirmed. Albert Sambi-Lokonga joins Sevilla on loan move from Arsenal.
€12m buy option, salary covered by Sevilla and 25% sell-on clause for #AFC if buy option is activated. pic.twitter.com/2On4lwf2Wc
— Fabrizio Romano (@FabrizioRomano) July 15, 2024
Një reprezentues i Belgjikës, Sambi Lokonga ka bërë 39 paraqitje për Arsenalin në total, që prej se iu bashkua atyre nga Anderlechti në një marrëveshje prej 17.5 milionë eurosh.
Sezonin e kaluar tek Lutoni, ai bëri 19 paraqitje, në të cilat shënoi një herë dhe asistoi në tre të tjerë.
Lokonga është përdorur në pozicione të ndryshme në mesfushë dhe ka aftësi të mira me topin në këmbë.
Ai vjen në një mesfushë pothuajse të ‘shkatërruar’ pasi vetëm e ardhmja e Djibril Sow është e garantuar për sezonin e ardhshëm./Telegrafi/