Arijanet Muric ka zhvilluar ndeshjen e tij të dytë në Ligën Premier, e dyta radhazi me fanellën e Burnleyt dhe ishte edhe më e mirë se e para.
Portieri i Përfaqësueses së Kosovës ka qenë i jashtëzakonshëm në Stamford Bridges, ku Burnley mori një barazim me shumë vuajtje 2-2 pasi që nga pjesa e parë ishin me një futbollist më pak në fushë.
Aro Muric bëri hiq më pak se 11 pritje në këtë sfidë, duke marrë qenë i pakalueshëm për vendasit të cilët përkundër dy golave që i shënuan në ato dy raste Aro nuk kishte se çfarë të bënte.
Goli i parë i Chelseat erdhi nga penalltia ku realizoi Cole Palmer, derisa në të dytin anglezi realizoi pasi mbrojtja dështoi dhe ai doli përballë Aro Muric.
25-vjeçari ishte fantastik duke marrë notën e jashtëzakonshme 10 nga SofaScore, notë që shumë rrallë e merr ndonjë futbollistë, lërë më portierët.
Përveç 11 pritjeve në ndeshje, Aro pati edhe një pasim kyç, një ndërhyrje në top, dhe tre topa të kapur në ajër.
Aro shkëlqeu edhe ndeshjen e kaluar me Burnleyn, ku kjo skuadër mori fitore 2-1 ndaj Brentfordit. /Telegrafi/