Site icon Telegrafi

Papadopoulos: Na mungoi fati, Prishtina nuk ishte më e mirë se ne!

Dimitris Papadopoulos është ndarë i pakënaqur me humbjen, pasi sipas tij Prishtina nuk ishte skuadër më e mirë.

Prishtina ka arritur të fitoj ndaj Trepçës në ndeshjen gjysmëfinale të Kupës së Kosovës dhe kështu ka siguruar finalen e së dielës përball Pejës.

Megjithatë, sipas trajneri Papadopoulos, skuadra e tij luajti e barabartë me Prishtinën dhe klubi nga kryeqyteti nuk e meritoi fitoren.

Lexo po ashtu Prishtina sundon në ‘Minatori’, i bashkohet Pejës në finale të Kupës

“Ishte një ndeshje shumë e barabartë. Ne ishim shumë të përgatitur dhe luajtëm mirë këtë ndeshje. Dua t’i falënderoj tifozët për atmosferën e zjarrtë”, tha fillimisht Papadopoulos.

“Prishtina nuk ishin më të mirë se ne në ndeshje. Është e vërtetë se kanë lojtarë cilësor, por ne luftuam dhe bëmë atë që duhet, por në fund na mungoi fati dhe nuk fituam”, përfundoi trajneri i Trepçës. /Telegrafi/

Exit mobile version