Fëmijët e një shkolle në veri të Uellsit kanë mbetur të tmerruar nga një vepër arti që është ekspozuar në mjediset e tyre.
Një “burrë rozë i fryrë” 13 metra i gjatë është vënë në hapësirat e shkollës Ruthin në veri të Uellsit, si pjesë e Festivalit Ndërkombëtar të Arteve.
Vepra ka bërë bujë te banorët vendas të cilët u zgjuan me një pamje të çuditshme, përcjell Telegrafi.
Disa prej tyre e kanë quajtur “të shëmtuar” dhe jo art, ndërsa të tjerë thonë se nuk e pëlqejnë vërtet pasi instalacioni po i frikëson fëmijët.
“Ju e quani atë art?”, tha një grua.
Megjithatë, arti është gjithmonë subjektiv, me një tjetër banor që u shpreh se i pëlqen vepra.
“I bën njerëzit të bëjnë shaka me të”, tha ai.
Në lidhje me “burrin rozë” është deklaruar edhe vetë shkolla.
“Ju mund të keni vënë re një vizitor mjaft të madh dhe të fryrë në shkollën Ruthin. Duke qëndruar rreth 13 metra lart, instalacioni u krijua për Festivalin Ndërkombëtar të Arteve”, thuhet në deklaratën e saj. /Telegrafi/
You may have noticed a rather large, inflatable visitor to Ruthin School last week 👀
Standing around 13 metres high, the inflatable art installation was created for the Ruthin International Arts Festival by Yue Minjun.
For more information: https://t.co/1N0P5FtzCi pic.twitter.com/gUbSjFDh0z
— Ruthin School (@RuthinSchool) July 8, 2024