Michael Owen zbuloi se arsyeja e vetme që ai kishte shansin të transferohej në Manchester United ishte për shkak të Karim Benzema që zgjodhi Real Madridin.
Në vitin 2009, Florentino Perez kishte një verë të jashtëzakonshme transferimesh për Realin, duke thyer rekordin botëror dy herë kur ndërtoi një epokë të re të ‘Galacticos’.
Cristiano Ronaldo u nënshkrua nga Unitedi vetëm disa ditë pasi lëvizja e Leite Kaka nga Milan kishte thyer së pari rekordin, por shpenzimet nuk përfunduan këtu.
Kjo dyshe nuk ishte e mjaftueshme për Los Blancos, pasi ata gjithashtu shpenzuan edhe 30 milionë funte duke nënshkruar Benzeman nga Lyoni, pasi francezi bëri përshtypje në Ligue 1.
Realit iu desh të luftonte me Unitedin për të nënshkruar sulmuesin, me Sir Alex Ferguson të etur për të transferuar njeriun që shënoi kundër ekipit të tij në Ligën e Kampionëve.
Në vend të kësaj Fergie duhej të merrej me nënshkrimin falas të Owenit, pasi ishte larguar nga Newcastle United dhe, të mërkurën, ish-sulmuesi i Liverpoolit zbuloi se ishte gjithmonë i vetëdijshëm se ishte zgjedhja e dytë.
“Unë erdha në United vetëm sepse Benzema zgjodhi Real Madridin në vend të United”, ka thënë fillimisht Owen për BT Sport.
“Herën e parë kur mora një telefonatë nga Sir Alex Ferguson, ai tha: Ne duam të nënshkruajmë Benzeman, nëse nuk e marrim atë… po ju marrim juve”, përfundoi anglezi. /Telegrafi/