Plani i Real Madrid për afatin e transferimeve të verës do të përqendrohet në përpjekjen për të larguar lojtarët e panevojshëm për të krijuar fonde, të cilat do të investoheshin në transferimin e yllit të Paris Saint-Germain, Kylian Mbappe.
Los Blancos, të cilët janë të famshëm për qasjen e tyre ‘Galacticos’ nën urdhrat e Florentino Perez, kanë shtrënguar rripat e tyre në vitet e fundit dhe nuk kanë investuar ndonjë tarifë të çmendur në asnjë lojtar që nga nënshkrimi i Reinier në janar të 2020.
Gjigantët e La Ligës synojnë t’i përmbahen këtij plani në vitin 2021 dhe, me Sergio Ramos tashmë të larguar në fund të kontratës së tij, shpresa është që një skuadër që aktualisht përfshin 29 lojtarë – do të shkurtohet në mënyrë të konsiderueshme gjatë javëve të ardhshme.
Një pjesë e problemit për Realin është se shumë prej atyre që mund të largohen dhe që marrin paga të mëdha, nuk kanë dëshirë të largohen.
Marcelo, Isco, Gareth Bale dhe Mariano Diaz janë ndër fituesit më të mëdhenj që Los Blancos do të ishin të lumtur të largonin nga librat financiar.
Tre nga katër lojtarët e kësaj liste janë të lidhur me kontrata vetëm deri në vitin 2022, kështu që ora po troket për sa i përket gjenerimit të fondeve nga çdo shitje.
Megjithatë, Bale është gati të prishë kontratën e tij pasi u kthye nga një huazim në Tottenham, Isco mund të kthehej nga i ftohti tani që Carlo Ancelotti ka pasuar Zinedine Zidanen dhe Marcelo ka trashëguar detyrat e kapitenit nga Ramos.
Raphael Varane është një tjetër lojtar që hyn në 12 muajt e fundit të marrëveshjes së tij aktuale dhe mund të ketë lëvizje pasi mbrojtësi francez ka hyrë në bisedime me Manchester Unitedin.
Megjithatë, asnjë vendim përfundimtar nuk është marrë, dhe Reali ende mund të vendosë kushte të reja.
Nga të tjerët që kanë qenë në skaj, Alvaro Odriozola është vendosur të mbetet alternativë në krahun e djathtë të mbrojtjes, Dani Ceballos dëshiron të “luftojë” për të ardhmen e tij nën Ancelottin, Luka Jovic synon të qëndrojë, Brahim Diaz nuk është ende i bindur nga huazimi te Milani dhe Takefusa Kubo nuk nxiton të marr vendim mbi të ardhmen ndërsa përgatitet për detyrën e tij në Olimpiadën e ‘Tokyo 2020’.
Mbappe mbetet ëndrra e verës
Ndërsa largimi i lojtarëve mbetet përparësia kryesore për Realin, interesi për fituesin e Kupës së Botës, Mbappe vazhdon të mbetet i madh në sfond.
Francezi ka qenë në radarin e Los Blancos për shumë kohë dhe një mundësi për të bërë një lëvizje tjetër finale mund të paraqitet së shpejti.
Mbappe ende nuk ka nënshkruar një kontratë të re në PSG dhe do të shohë marrëveshjen e tij aktuale të skadojë në vitin 2022.
Reali ka vendosur bazat për një marrëveshje që do të arrihet me 22-vjeçarin për disa vite dhe nuk pret ndonjë pengesë për të penguar kauzën e tyre nëse hapet një derë transferimi.
/Telegrafi/