Luka Doncic dhe Kyrie Irving dështuan përsëri, dhe Dallas humbi përsëri nga Oklahoma City dhe tani rezultati është 2-2 në serinë gjysmëfinale të ‘Play-Off’-it të Konferencës Perëndimore në NBA.
Oklahoma City Thunder ka fituar si mysafirë i Mavericks me 14 pikë diferencë 110:96 duke barazuar rezultatin në 2-2.
Shai Gilgeous-Alexander ishte fantastik në këtë sfidë me 34 pikë, tetë kërcime e pesë asistime.
Me lojë të mirë te skuadra fituese u dallua edhe Chet Holmgren me 18 pikë, derisa Dort shtoi 17 të tjera.
P.J Washington ishte më efikasi te Dallas Mavericks me 21 pikë e 12 kërcime, derisa Luka Doncic shtoi 18 pikë, 12 kërcime e 10 asistime, por që nuk mjaftuan për fitore.
▪️ Celtics win Game 4, lead series 3-1
▪️ Thunder win Game 4, tie series 2-2#NBAPlayoffs presented by Google Pixel continue Tuesday on TNT. pic.twitter.com/kVJhOHGlNd— NBA (@NBA) May 14, 2024
Paraqitje zhgënjyese për Dallasin kishte Kyrie Irving, ku në 40 minuta sa qëndroi në parket nuk arriti të shënoj më shumë se nëntë pikë.
Boston Celtics ka bërë një hap para për kalimin në finalen e Konferencës së Lindjes, pasi ka triumfuar në udhëtim te Cleveland Cavaliers me shtatë pikë diferencë 109:102.
Tani Celtics kanë epërsi 3-1 dhe i mjafton edhe një fitore për të kaluar tutje.
Jayson Tatum ishte më i miri te Celtics me 33 pikë, 11 kërcime dhe 5 asistime, ndërsa Darius Garland shënoi 30 pikë në anën tjetër për vendasit. /Telegrafi/
