Nxënësit e Shkollës Fillore të Mesme të Ulët “Bekim Syla” dhe “Sadedin Hajda” në Rahovec, gjatë ditës së sotme kanë vizituar Stacionin e Zjarrfikësve në Rahovec.
Gjatë vizitës së sotme nxënësit e këtyre dy shkollave patën mundësitë informohen më shumë për punën që kryejnë zjarrfikësit, si dhe me disa nga vështirësitë që ata mund të përballen gjatë punës së tyre.
Përveç kësaj ata u informuan edhe për punën e guxhimshme dhe për përkushtimin e zjarrfikësve, të cilët kontribuojnë në mbrojtjen e komunitetit dhe janë gjithnjë në kry të detyrës së tyre.
Ata po ashtu gjatë kësaj vizite u njoftuan nga afër me pajisjet dhe përdorimin e automjeteve në ndërhyrjet emergjente, si dhe në fund zjarrfikësit ndanë për nxënësit këshilla të rëndësishme për sigurinë. /Telegrafi/