Është zhvilluar xhiro e radhës në elitën e basketbollit amerikan NBA, ku nuk kanë munguar ndeshjet spektakolare, por edhe befasitë.
Los Angeles Lakers janë befasuar në Little Caesars Arena të Detroitit, pasi kanë pësuar humbje nga Detroit Pistons me 12 pikë diferencë 115:103.
Jaden Ivey ka qenë më meritori për fitoren e vendasve me 26 pikë, derisa paraqitje të mirë patën edhe Hardaway me 19 pikë si dhe Cunningham që shtoi 17 të tjera.
Te Lakers paraqitje fantastike pati Anthony Davis me 37 pikë, nëntë kërcime e katër asistime, por që në fund nuk mjaftuan për të marrë fitore.
Fitore ka shënuar edhe Cleveland Cavaliers që ka mposhtur Milwaukee Bucks me dy pikë diferencë 116:114, derisa Boston CEltics ka triumfuar në udhëtim te Atlanta Hawks 93:123. /Telegrafi/
Momentet më të mira të ndeshjeve në NBA:
