Nora Gjakova fiton me ‘Ippon’ ndaj spanjolles Perez, vetëm një fitore larg medaljes

Xhudistja kosovare, Nora Gjakova e ka siguruar luftën për të fituar medaljen e bronztë në kategorinë deri 63 kilogramë. 

Gjakova në repesazh ia doli që të triumfojë ndaj xhudistes spanjolle, Cristina Cabana Perez.

Nora fillimisht e rrëzoi kundërshtaren e saj duke bërë një hedhje fantastike, para se të sigurojë fitoren me ‘Ippon’.

Kujtojmë se këtë garë para kohe e kanë përfunduar dyshja Erza Muminoviq dhe Dardan Cena, të cilët u mposhtën qysh në luftën e parë./Telegrafi/