2022 mund të konsiderohet një vit me ulje dhe ngritje të shumta, por më e vështirë ishte kur u desh t’u jipej lamtumira e fundit disa nga personazheve të ‘shndritshme’ të showbizit ndërkombëtar.
Nga ylli i “Harry Potter”, Robbie Coltrane, aktorja Anne Heche dhe Taylor Hawkins e “Foo Fighters” te “Beauty and the Beast”, Angela Lansbury dhe Oliva Newton John e “Grease Dream Mix: Grease / Sandy / Hopelessly Devoted to You” – këta personazhe të njohur lanë një boshëllëk të madh në zemrën e secilit që e njohën.
Më poshtë ua sjellim 21 të famshëm që humbëm vitin që shkoi, veprat e të cilëve do t’i kujtojmë gjithmonë:
Kirshnik Khari Ball apo Takeoff, 28 vjeç
Takeoff, emri i vërtetë i të cilit ishte Kirshnik Khari Ball, u qëllua për vdekje në një rrugicë ndërsa luante zare së bashku me xhaxhanë e tij në Houston, Teksas në orët e para të 1 nëntorit.
Takeoff ishte një anëtar i grupit të suksesshëm rap “Migos”. Së bashku me dajën e tij, Quavious Keyate Marshall apo Quavo, dhe kushëririn Kiari Kendrell Cephus apo Offset, treshja u bë një nga grupet më me ndikim të brezit të tyre me këngë hit si: “Versace”, “Bad and Boujee”, “Stir Fry”, “MotorSport” me Cardi B dhe “Ëalk It Talk It” me Drake.
Grupi ishte i njohur për stilin e tij unik të rap-it, në të cilin treshja kishte tekste të shkurtra, ku shpesh një anëtar tjetër vazhdonte me një fjalë ose tingull të vetëm.
Traci Braxton, 50 vjeçe
Braxton ishte më e njohur për performancën në serialin “Braxton Family Values” së bashku me motrat e saj Toni, Toëanda, Trina dhe Tamar.
Kjo zgjati nga viti 2011 deri në 2020, ku e përfshirë ishte edhe nëna e saj, Evelyn.
Në vitin 2014, Braxton solli albumin e saj debutues solo “Crash&Burn”, me këngën “Last Call” duke arritur në vendin e 16-të në tabelën amerikane të R&B, sipas Billboard. Ajo publikoi albumin e saj të dytë dhe të fundit “On Earth” në 2018.
Ajo vdiq më 12 mars nga kanceri i ezofagut.
James Caan, 82 vjeç
Aktori i lindur në Bronx do të jetë përgjithmonë i njohur për rolin e Sonny Corleones në “The Godfather”.
Caan mori një nominim për “Oscar” për rolin dhe përsëriti pjesën në skenën e fundit të “The Godfather” të vitit 1974.
Një vit përpara “The Godfather”, i ndjeri u bë yll kur luajti përballë Billy Dee Williams në filmin “Brian’s Song”, i cili i dha Caan një nominim për “Emmy” për performancën e tij si lojtari i vërtetë i NFL-së i prekur nga kanceri, Brian Piccolo.
I njëjti bëri paraqitje të tjera edhe në “Misery “, “Honeymoon in Vegas” dhe “Elf”.
Caan vdiq më 6 korrik, sipas llogarisë së tij zyrtare në Tëitter. Asnjë shkak nuk u bë i ditur rreth vdekjes së tij.
Aaron Carter, 34 vjeç
Një yll i muzikës pop në fund të viteve 1990 dhe në fillim të viteve 2000, Carter, i cili është vëllai më i vogël i Nick Carter nga “Backstreet Boys”, publikoi albumin e tij debutues Aaron Carter në 1997 në moshën nëntë vjeçare. Albumi i tij pasues “Aaron’s Party” u publikua në vitin 2000.
Ai publikoi pesë albume, disa prej të cilave u bënë ‘platinum’. Ai gjithashtu luajti në shfaqje si: “Lizzie McGuire” dhe “Sabrina the Teenage Witch”. Në vitin 2009, ai u shfaq në “Dancing with the Stars”.
Carter vdiq më 5 nëntor pasi u gjet i vdekur në vaskën e tij brenda shtëpisë së tij në Kaliforni. Nuk u dha asnjë shkak i vdekjes.
Robbie Coltrane, 72 vjeç
I njohur në mbarë botën për rolin e Rubeus Hagrid në filmat e “Harry Potter”, Coltrane ishte tashmë një talent i respektuar në të dy anët e Atlantikut për aftësitë e tij në aktrim.
Në vitet 1990, ai u bë i dashur kur luajti rolin kryesor në serialit “Cracker” si psikolog kriminal. Ai fitoi çmimin televiziv të Akademisë Britanike për aktorin më të mirë në tre vjet radhazi për punën e tij në shfaqje.
Në filma, titujt e tij përfshinin: “Mona Lisa”, “Henry V”, “Nuns on the Run”, “Ocean’s Twelve”, “Pixar’s Brave”, “GoldenEye” të 1995 dhe “The World’s Not Enough” të vitit 1999.
Coltrane vdiq më 14 tetor 2022.
Charlbi Dean, 32 vjeçe
Kjo aktore e talentuar dukej në prag të yjeve të mëdha pasi filmi i saj i ardhshëm “Triangle of Sadness”, i fundit nga regjisori i mirënjohur Ruben Ostlund, fitoi “Palmën e Artë” – çmimin kryesor në Festivalin e Filmit në Kanë.
Modelja e Afrikës së Jugut, e kthyer në aktore, ishte gjithashtu e njohur për interpretimin e Syonide në serialin “Black Lightning”.
Dean vdiq më 29 gusht, sipas Deadline, dhe shkaku i vdekjes nuk u zbulua.
Gilbert Gottfried, 67 vjeç
Gottfried u bë një shtyllë e komedisë për dekada falë zërit të tij të veçantë. Ky stil doli të ishte zëri i përsosur për një personazh të Disneyt. Shprehja e papagallit sarkastik në klasikun e animuar të Disneyt të vitit 1992, “Aladdin”, e bëri atë të dashur për miliona.
Gjatë karrierës së tij, Gottfried kishte punë të vazhdueshme duke shprehur personazhe për “SpongeBob Squarepants” e “Family Guy”. Ai ishte gjithashtu një anëtar i kastit në “Saturday Night Live” gjatë sezonit 1980-1981.
NPR raportoi se Gottfried vdiq nga një ndërlikim në zemër më 12 prill.
Taylor Hawkins, 50 vjeç
Hawkins iu bashkua grupit “Foo Fighters” në 1997 dhe kaloi pjesën tjetër të jetës së tij duke krijuar një karrierë që e bëri atë një nga bateristët më të mirë të epokës së tij.
Taylor u gjet pa shenja jete në dhomën e tij të hotelit më 25 mars përpara se grupi të performonte në një festival në Bogota, Kolumbi.
Asnjë shkak i vdekjes nuk u dha, por një postim në Twitter nga Prokurori i Përgjithshëm i Kolumbisë, përmes NBC News, tregoi se në një test paraprak, 10 substanca u gjetën në sistemin e tij, duke përfshirë opioidet, benzodiazepinat, antidepresantët triciklikë dhe THC.
Ai luajti gjithashtu në filmin komedi-horror të publikuar së fundmi nga “Foo Fighters, “Studio 666”.
Anne Heche, 53 vjeçe
Heche ishte një fiksim në televizion dhe filma që nga vitet 1990. Ajo ishte e njohur për rolet e saj dytësore në filmat “Donnie Brasco”, “Volcano dhe I Know What You Did Last Summer”. Më pas ajo luajti më shumë role kryesore në “Six Days, Seven Nights” përballë Harrison Ford dhe në ribërjen e filmit “Psycho” nga Gus Van Sant.
Heche ishte gjithashtu e njohur për lidhjen e saj me Ellen DeGeneres në fund të viteve 1990. Dyshja u ndanë në vitin 2000.
Heche u njoftua se vdiq më 14 gusht, një javë pas një aksidenti me makinë.
Artis Leon Ivey Jr. i njohur si Coolio, 59 vjeç
Ivey ishte ndër emrat më të mëdhenj të hip-hop-it të viteve 1990 me hite si “It Takes a Thief”, “Fantastic Voyage” dhe “CU When I Get There”. Ivey, i cili u quajt me emrin artistik Coolio, u bë një personazh i rëndësishëm në skenën e rapit.
Por ai do të fitonte vëmendje në mbarë botën me këngën “Gangsta’s Paradise”, e cila u përdor në filmin e 1995 “Dangerous Minds” me Michelle Pfeiffer.
Përfaqësuesi i tij konfirmoi se Coolio vdiq më 28 shtator, por nuk u dha asnjë shkak.
Leslie Jordan, 67 vjeç
Karriera e Jordanit filloi në fund të viteve 1980.
Ai fitoi një “Emmy” për luajtjen e Beverly Leslie në hitin e këngëve të “NBC Will&Grace”. Jordan luajti gjithashtu në shfaqjet televizive “Ally McBeal”, “Ugly Betty”, “Reba”, “Nash Bridges” dhe “Call Me Kat”.
Aktori ishte gjithashtu një figurë e dashur gjatë ditëve të para të pandemisë, kur postonte video gazmore dhe emocionuese në Instagram dy herë në ditë për më shumë se dy muaj. Në videot e shkurtra, Jordan ndau me ndjekësit momentet aktuale në kulturën pop dhe ndau gjëra që i sollën gëzim.
LA Times raportoi se Jordan vdiq më 25 tetor pasi ai e futi makinën e tij në anë të një ndërtese në Los Angeles.
Naomi Judd, 76 vjeç
Naomi Judd dhe vajza e saj, Wynonna, formuan grupin legjendar të muzikës ‘country’ “The Judds”.
Ky label ishte futur së fundmi në një famë të madhe dhe po planifikonin një turne në vjeshtë para vdekjes së Naomit.
Dyshja ndaluan së performuari në vitin 1991 pasi Naomi u diagnostikua me hepatit dhe Wynonna vazhdoi me një karrierë solo. E ndjera është gjithashtu nëna e aktores, Ashley Judd.
Variety raportoi se ajo vdiq më 30 prill për shkak të sëmundjes mendore.
Ray Liotta, 67 vjeç
Karriera e aktrimit të Liottas zgjati më shumë se katër dekada; ai shpesh luante me djem të ashpër falë të qeshurës së tij dhe theksit të Neë Jerseyt që vështirë t’i mungonte.
Roli i tij kryesor ishte interpretimi i psikologut Ray Sinclair përballë Melanie Griffith dhe Jeff Daniels në filmin e vitit 1986, “Something Ëild”, i cili po ashtu i dha atij një nominim për “Golden Globe”.
Por aktori fitoi yllin katër vjet më vonë kur luajti Henry Hill në filmin klasik të Martin Scorsese të vitit 1990 “Goodfellas”.
Si Hill, bazuar në mafiozin e jetës reale që u bë një informator i FBI-së në vitin 1980, Liotta ishte një qendër e fuqishme në ekran, duke performuar përballë dy aktorëve me përvojë të Hollywoodit, Robert De Niros dhe Joe Pescit.
Së fundmi, Liotta pati role të paharrueshme në dramën e Noah Baumbach të vitit 2019, “Marriage Story” dhe “The Many Saints of Newark” në 2021.
Deadline raportoi se Liotta vdiq më 26 maj; nuk u dha asnjë shkak.
Meat Loaf, 74 vjeç
Me albumin e tij më të shitur “Bat Out of Hell” dhe aktrimin e tij në filma duke përfshirë “The Rocky Horror Picture Show” dhe “Fight Club”, Michael Lee Aday, i njohur profesionalisht si Meat Loaf, ishte i famshëm për performancat e tij më të mëdha se sa vetë jeta.
Këngët e tij “Paradise by the Dashboard Light” dhe “I’d Do Aything for Love (But I Won’t Do That)” u bënë hite globale, me këtë të fundit që i dha atij një “Grammy”.
Një njoftim u bë në faqen e tij në Facebook, duke zbuluar se Meat Loaf kishte vdekur më 20 janar, por nuk u dha asnjë shkak.
Moses J. Moseley, 31 vjeçar
Moseley është më i njohur për paraqitjen në “The Walking Dead”.
Ai luajti gjithashtu në “Queen of the South”, serialin televiziv “Watchmen” dhe “The Hunger Games: Catching Fire”.
Moseley u gjet i vdekur në Stockbridge, Georgia, më 26 janar. Shkaku i vdekjes së tij nuk është bërë i ditur.
Olivia Newton-John, 73 vjeçe
Olivia ishte e njohur më shumë për personazhin e Sandyt në filmin “Grease”.
Nga ana muzikore, Newton-John fitoi katër çmime “Grammy” dhe publikoi 26 albume në studio gjatë karrierës së saj.
Këngët e saj “If You Love Me, Let Me Know” nga viti 1974 dhe 1975 “Have You Never Been Melloë” kanë zënë vendin e parë në listat e Billboard në ShBA.
Por kënga e saj më e madhe erdhi në vitin 1981 me “Physical”. Ajo kaloi 10 javë në numrin 1 në Billboard dhe është realizuar më pas nga yje si Kylie Minogue dhe Dua Lipa.
E ndjera u diagnostikua me kancer tre herë. Ajo u diagnostikua për herë të parë me kancer gjiri në vitin 1992, gjë që nxiti avokimin e saj për ndërgjegjësimin dhe ekzaminimet e kancerit të gjirit.
Ajo u diagnostikua sërish në vitin 2013, por këtë herë kanceri ishte përhapur në shpatullën e saj.
Në maj 2017, këngëtarja zbuloi se ishte diagnostikuar për herë të tretë dhe se kanceri ishte përhapur në pjesën e poshtme të shpinës.
Lajmi për vdekjen e saj u kumtua nga bashkëshorti John Easterling, në një postim të publikuar në rrjete sociale.
Ylli vdiq në moshën 73-vjeçare më 8 gusht.
Sidney Poitier, 94 vjeç
Poitier ishte një aktor që së bashku me një karrierë të mbushur me role të rëndësishme në aktrim, ishte gjithashtu një zë për të drejtat civile në vitet 1960 dhe një ambasador për vendin e tij të dashur, Bahamas.
Ai bëri histori kur u bë aktori i parë afrikano-amerikan që fitoi “Oscar”-in për ‘aktorin më të mirë’ për interpretimin e tij në filmin “Lilies of the Field”.
I njëjti ishte gjithashtu ambasador Bahamian në Japoni nga 1997 në 2007 dhe nga 2002 në 2007, ai ishte ambasador i Bahamas në UNESCO.
Poitier vdiq më 7 janar në shtëpinë e tij në Los Angeles. TMZ raportoi se shkaku i vdekjes ishte një kombinim i dështimit të zemrës, demencës së Alzheimerit dhe kancerit të prostatës.
Bob Saget, 65 vjeçar
Aaget, komediani dhe aktori, ishte më i njohur për rolin e tij si Danny Tanner në serialin “ABC Full House”, i cili u shfaq nga fundi i viteve 1980 deri në mesin e viteve 1990.
Por për miliona njerëz, ai do të njihet gjithmonë si “babai i tyre televiziv” falë performancës si Tanner.
Saget u gjet i vdekur në një dhomë hoteli në Ritz-Carlton në Orlando, Florida, më 9 janar.
Nuk u dha asnjë shkak, por një autopsi paraprake nuk gjeti “asnjë dëshmi të përdorimit të drogës ose ndonjë lojë të keqe”.
TMZ raportoi më 9 shkurt se Saget vdiq nga një gjakderdhje në tru.
Andre Leon Talley, 73 vjeç
Talley ishte drejtori i lajmeve të modës në revistën “Vogue” nga 1983 deri në 1987, drejtor i parë kreativ mashkull me ngjyrë nga 1988 deri në 1995 dhe më pas kryeredaktori i saj nga 1998 deri në 2013.
Si krahu i djathtë i drejtoreshës krijuese dhe kryeredaktores së “Vogue”, Anna Wintour, sensi i modës dhe sinqeriteti i Talley e bëri atë të famshëm përtej botës së revistave.
Ikona e modës ishte gjithashtu një i besuar i ngushtë i stilistëve: Yves Saint Laurent, Karl Lagerfeld, Paloma Picasso, Diane von Furstenberg dhe të tjerë të panumërt.
Talley vdiq më 18 janar në spital pas një sërë betejash shëndetësore.
Kirstie Alley, 71 vjeçare
Me pamjen e saj mahnitëse dhe aftësitë e saj fantastike komike, Kirstie Alley, u bë një nga yjet më të mëdhenj të viteve 1980.
Debutimi i saj si aktore filloi në “Star Trek II: The Wrath of Khan” të vitit 1982. Ajo e ndoqi këtë me luajtjen në një gamë të gjerë rolesh gjatë dekadës, nga filmat televizivë deri te komedia “Summer School”.
Por në vitin 1987, ajo fitoi rolin që do ta bënte atë një superyll kur u emërua si menaxhere e barit, Rebecca Howe, në shfaqjen e famshme “Cheers”.
Ishte në shfaqje nga 1987 deri në 1993 dhe fitoi një “Emmy” në 1991. Ajo fitoi një “Emmy” të dytë në 1994 për dramën televizive “David’s Mother”.
Por talentet e saj nuk ishin vetëm për ekranin e vogël. Ajo luajti përballë John Travoltas në komedinë e suksesshme “Look Who’s Talking” në 1989.
Alley vdiq më 5 nëntor për shkak të kancerit. /Telegrafi/
