Nga një moment në tjetrin, fjala faks është rikthyer në top temë në të gjithë botës, pasi ishte metoda e zgjedhur nga Lionel Messi për të kërkuar largimin e tij nga Barcelona .
Por ai nuk është i vetmi që përdori këtë metodë për të komunikuar me klubin.
Sipas mediave spanjolle, Quique Setién , përmes avokatëve të tij, i dërgoi gjithashtu klubit një dokument ligjor përmes faksit për të kërkuar që edhe ai dhe stafi i tij stërvitës të njoftohen zyrtarisht për shkarkimin e tyre, i cili ka ndodhur vetëm gojarisht para më shumë se një jave.
Trajneri i Barcelona kishte një kontratë deri në qershor të vitit 2021 me opsionin edhe për një sezon tjetër dhe derisa me letra janë nën kontratë nuk mund të kenë ndonjë punë tjetër.
Setién drejtoi Barcelonën që nga 14 janari dhe ndeshja e tij e fundit ishte çerekfinalja e Ligës së Kampionëve, ku u eliminua pas poshtërimit të Bayern Munich me rezultat 8-2.
Ishte sezoni i parë pa trofe për klubin që nga sezonin 2007-08./Telegrafi/