Një veprim me një laser gjigant pritet të ndihmojë që rrufetë të mos godasin aeroportet dhe stacionet e energjisë bërthamore.
Sipas mediave të huaja, përcjell Telegrafi, rrufeja godet tokën mijëra e mijëra herë në vit dhe nga kjo vdesin shumë njerëz.
Por kërcënimi më i madh është dëmi që goditjet e rrufesë mund t’u bëjnë stacioneve të energjisë elektrike, me një në 2019 që shkaktoi ndërprerjen më të madhe të energjisë elektrike në Mbretërinë e Bashkuar në një dekadë, duke lënë pa rrymë mbi 1 milion njerëz.
Dhe tani një laser me madhësinë e një veture mund të mbrojë kundër këtyre rrufeve në të ardhmen, duke “tërhequr” rrufetë larg ndërtesave.
Siç bëhet e ditur, shkencëtarët lëshuan 1000 impulse drite laser në sekondë nga një makinë rreth 8 metra të gjatë, që peshonte më shumë se tre tonë, duke dërguar rrezet në atmosferë mbi një kullë në Zvicër, e cila goditet nga rrufeja rreth 100 herë në vit.
Kështu, gjatë më shumë se gjashtë orësh të përdorimit të laserit gjatë stuhive midis qershorit dhe shtatorit të vitit të kaluar, studiuesit ishin në gjendje të devijonin katër goditje rrufeje.
Andaj, me rrufepritësit të paaftë “për të tërhequr rrufenë mjaft larg” nga ndërtesat e mëdha, teknologjia laser thuhet se mund të ndihmojë në mbrojtjen e infrastrukturës më të madhe.
Shkencëtarët kanë punuar për ta bërë këtë me laser për më shumë se 40 vjet, por kjo është hera e parë që vërtetohet jashtë laboratorit, sipas studimit të ri.
Profesori Jean-Pierre Wolf, i cili udhëhoqi ekipin pas zbulimit, nga Universiteti i Gjenevës, tha: “Të shihje rrufenë duke u devijuar nga pulset laser ishte shumë emocionuese”.
Ndryshe, sipas të dhënave, në mbarë botën, rrufeja shkakton deri në 24,000 vdekje në vit. /Telegrafi/