Ka mbetur edhe një ditë drejt fundit të Lojërave Olimpike që po mbahen në Paris, ku edhe sot u thyen disa rekorde olimpike dhe botërore, ku spikatën vrapimi 4X100 metra për meshkuj dhe femra, finalja e futbollit te femrat dhe ajka e mbrëmjes, finalja e basketbollit te meshkujt.
As të shtunën e 10 gushtit nuk mungoi spektakli, ndërsa jemi edhe një ditë deri në fundin e garave, pasi ‘Paris 2024’ përfundojnë të dielën.
SHBA-të fituan finalen e basketbollit te meshkujt, kur mposhtën Francën në një ndeshje të bukur, ku në fund Dream Team mori fitoren me rezultat 98-87.
They made it! 🥇
Congratulations @teamusa 🇺🇸
📸 #Paris2024 pic.twitter.com/UeMh4yAbl7— Paris 2024 (@Paris2024) August 10, 2024
Kina po ashtu fitoi dy medaljen në boksin e femrave, ndërsa SHBA-të ishin të jashtëzakonshëm në atletikë, ku morën medalje të artë në 4X100 metra në dy kategoritë.
SHBA-të deri tani kanë fituar 122 medalje, prej tyre 38 të arta dhe nga 42 të argjendta dhe bronzta.
Pas tyre menjëherë renditet Republika e Kinës që ka fituar në total 90 medalje, në mesin e të cilave 39 të arta, 27 të argjendta dhe 21 të bronzta.
Në vendet e tjera me diferencë janë Britania e Madhe, Franca, Australia, Japonia, Italia, Holanda, Gjermania dhe Korea e Jugut që mbyllin renditjen në top 10./Telegrafi/
