Viti 2024 ka qenë shumë prekës për industrinë e argëtimit pasi u thamë lamtumirë disa prej yjeve më të mëdhenj përfshirë: Donald Sutherland e Shannen Doherty.
Bota e muzikës po ashtu u trondit në tetor kur papritur vdiq në moshën 31-vjeçare ish-ylli i “One Direction”, Liam Payne.
E në mesin e atyre që ndërruan jetë ishte edhe ish-ylli i “Harry Potter”, Maggie Smith.
Në përgjithësi, ka një vrimë të madhe në zemër për të gjithë ato yje që nuk jetojnë më.
Më poshtë kujtojmë personazhet e famshëm që humbëm në vitin 2024:
Derek Draper
Burri i Kate Garraway, Derek Draper, vdiq në moshën 56-vjeçare më 5 janar, pas një beteje pothuajse katërvjeçare me COVID-in.
Ajo njoftoi lajmin jo shumë kohë pasi Draper u pranua përsëri në spital pas një ataku në zemër.
Draper vuajti nga COVID për një kohë të gjatë që nga kontraktimi i virusit në mars 2020.
Dave Myers
Dave Myers vdiq në moshën 66-vjeçare në shkurt 2024, pasi u diagnostikua me kancer në 2022.
Ylli i lindur në Barrow-in-Furness zbuloi se ai ishte diagnostikuar me kancer në maj 2022. Ai kurrë nuk e konfirmoi se çfarë lloj kanceri kishte.
Jonnie Irwin
Jonnie Irwin vdiq në shkurt 2024 pas një beteje me kancerin në mushkëri.
Ai ishte i njohur më së shumti si prezantues televiziv anglez, i cili më së miri moderoi “A Place in the Sun” dhe gjithashtu u shfaq në “I Escaped To The Country” dhe “Dispatches”.
Robin Windsor
Robin Windsor konkurroi në “Strictly Come Dancing” midis 2010 dhe 2013 dhe ishte partner me të famshëm si: Lisa Riley, Patsy Kensit, Anita Dobson dhe Deborah Meaden.
OJ Simpson
Në prill, OJ Simpson vdiq në moshën 76-vjeçare pas një beteje me kancerin.
Pavarësisht se kishte një karrierë mbresëlënëse futbolli, Simpson është më i njohur për akuzën për vrasjen e ish-partneres së tij, Nicole Brown Simpson dhe mikut të saj, Ronald Goldman.
Donald Sutherland
Në qershor, Donald Sutherland vdiq në moshën 88-vjeçare.
Ylli i “MASH” dhe “Hunger Games” vdiq në Miami, Florida, pas një ‘sëmundjeje të gjatë’.
Dame Maggie Smith
Dame Maggie Smith, legjenda britanike e aktrimit e vlerësuar me çmime, puna e së cilës varionte nga “Downton Abbey” tek “Harry Potter”, vdiq në moshën 89-vjeçare.
Aktorja fituese e Oskarit vdiq në spital të premten më 27 shtator, thanë djemtë e saj Chris Larkin dhe Toby Stephens në një deklaratë.
Dame ishte një aktore jashtëzakonisht e gjithanshme me një listë të gjatë, duke përfshirë Violet Crawley, Konteshën Dowager të Grantham, në Downton Abbey dhe profesoresha Minerva McGonagall në filmat e “Harry Potter”.
Liam Payne
Këngëtari dhe ish-anëtari i “One Direction”, Liam Payne, vdiq tragjikisht në moshën 31-vjeçare më 16 tetor.
Payne ndërroi jetë teksa qëndronte në hotelin Casa Sur në Buenos Aires, Argjentinë, me një autopsi që konfirmoi se ai vdiq nga lëndimet e shumta të marra në rënien e tij që çuan në “hemorragji të brendshme dhe të jashtme”.
Ai ka lënë pas djalin e tij, Bear Grey, të cilin e kishte në vitin 2017 pas një lidhjeje me yllin e “Girls Aloud”, Cheryl.
Të famshëm të tjerë që vdiqën në 2024:
*Louis Gossett Jr (1936-2024)
*Roberto Cavalli (1940-2024)
*Samantha Davis (1971-2024)
*Bernard Hill (1944-2024)
*Shifty Shellshock (1974-2024)
*Richard Simmons (1948-2024)
*Tito Jackson (1953-2024)
/Telegrafi/