Neymar shënoi golin e tij të parë që prej se u rikthye tek Santosi gjatë afatit kalimtar të janarit, duke udhëhequr ekipin e tij drejt fitores me rezultat 3-1 ndaj Agua Santas.
Braziliani iu bashkua klubit të tij të fëmijërisë Santos si lojtar i lirë pasi shkëputi kontatën me Al-Hilal.
33-vjeçari bëri debutimin ndaj Botafogos por nuk arriti që të sigurojë fitore për Santosin në tri ndeshjet e tij të para.
Sidoqoftë, këtë e bëri së fundmi ndaj Agua Santas duke shënuar golin e tij të parë pasi fitoi penallti falë një driblimi të tij klasik.
CRAQUE! SIMPLESMENTE CRAQUE! 🤩 O Neymar SOBROU na partida contra o Água Santa e saiu como CRAQUE DO JOGO com um gol e uma assistência! Apenas apreciem! 👏 #PaulistãoNaTNT #PaulistãoNaMax pic.twitter.com/mxX8QQj3Hy
— TNT Sports BR (@TNTSportsBR) February 17, 2025
Ish-ylli i Barcelonës gjithashtu bëri një asistim tek goli i tretë i shënuar nga Guilherme, duke i ‘vënë kapakun’ paraqitjes së tij fantastike.
Pas përfundimit të ndeshjes erdhi edhe reagimi i tij përmes Instagramit, ku postoi fotografi dhe uroi skuadrën.
“Një fitore shumë e rëndësishme. Urime për skuadrën, le të shkojmë Santos”, ka shkruar Neymar./Telegrafi/