Julio Baptista beson se Real Madridi mund ta fitojë ‘el Clasicon’ e të shtunës, por për ta mposhtur Barcelonën duhet një përpjekje mbinjerëzore.
Futbollisti brazilian ka luajtur në Santiago Bernabeu për dy sezone dhe ka pasur rastin t’u shënojë katalunasve në Camp Nou.
“Është mahnitëse të luash një Clasico, tensioni është shumë i madh. E imagjinon se si mund të shkojë ndeshja, por kurrë nuk i dihet se çfarëmund të ndodhë”.
“Tash për tash, nëse nuk je në gjendje të përsosur, nuk mund të fitosh ndaj Barcelonës. Nevojitet diçka ekstra, lojtarët duhet të kenë ambicie për të luajtur më mirë se Barcelona, por në secilin aspekt”.
“Për mënyrën si po luan Barcelona, nëse nuk je në 150 apo 130 për qind, atëherë e ke shumë të vështirë”, ka thënë Baptista për Goal. /Telegrafi/