Policia e Kosovës shqiptoi dënim ndaj një personi pasi nën ndikimin e alkoolit me 0.95 për qind voziti veturën e tij në Gjilan.
Sipas një njoftimi për media bëhet e ditur se gjoba e shqiptuar është në vlerë prej 200 euro, dy pikë negative dhe masën e përkohshme të ndalimit të drejtimit të mjeteve motorike prej tre muaj.
“ Njësiti Rajonal i Komunikacionit Rrugor nga Drejtoria Rajonale e Policisë në Gjilan ka shqiptuar gjobën në vlerë prej dyqind (200) euro, dy (2) pikë negative dhe masën e përkohshme të ndalim drejtimit të mjeteve motorike në afat prej tre (3) muaj ndaj kundërvajtësit i cili në qytetin e Gjilanit në pikë kontrolli të automjeteve është hasur duke drejtuar automjetin nën ndikim të alkoolit me 0.95 për qind, matje me alkool test”, thuhet në njoftim.
Tutje në njoftim thuhet se me qëllim parandalimin e aksidenteve në trafik, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik. Siguria në trafik është përgjegjësi e përbashkët dhe kërkon angazhimin e të gjithëve. /Telegrafi/
