Mbrëmë në Vushtrri është mbajtur koncerti solemn për nder të Ditës së Pavarësisë së Kosovës.
Ky koncert është mbajtur në Qendrën e Kulturës “Hasan Prishtina”, shkruan Telegrafi.
Bëhet e ditur se me këtë ngjarje janë përmbyllur manifestimet për shënimin e 17-vjetorit të Pavarësisë së Kosovës.
Kryetari i Komunës së Vushtrrisë, Ferit Idrizi, ka bërë hapjen e këtij koncerti, teksa ka uruar Pavarësinë e Kosovës.
“Me mirënjohje nderuam gra të zonja nga e gjithë Kosova, kontributi i të cilave gjatë luftës për liri ka qenë i jashtëzakonshëm. Faleminderit të gjithë artistëve, pjesëmarrësve dhe qytetarëve që na u bashkuan në këtë koncert madhështor”, ka thënë Idrizi. /Telegrafi/
