Beyonce ka publikuar një version të përditësuar të këngës së saj nga viti 2015, “Die With You” , për nder të përvjetorit të nëntë të martesës me Jay Z.
Diva e muzikës pop e ka publikuar këngën dhe videon muzikore në shërbimin muzikor të burrit të saj, Tidal, pasditen e të martës (me 4 prill kur është edhe përvjetori i tyre).
Videoja origjinale muzikore u lansua në përvjetorin e shtatë të martesës së çiftit të famshëm dhe shfaqte Beyoncen duke luajtur në piano dhe duke e kënduar baladën emocionale, derisa Jay Z e xhironte.
Klipi i ri i përditësuar përfshin skena të reja të çiftit së bashku me vajzën e tyre pesëvjeçare, Blue Ivy.
Në njërën prej skenave, vajza e tyre puth barkun shtatzënë të nënës duke i lënë shenja të buzëkuqit.
Ndryshe, Beyonce është në pritje të fëmijëve binjakë. /Telegrafi/
