Site icon Telegrafi

“Ndërprisni menjëherë kontratën e tij” – Tifozët e Liverpoolit të nervozuar me paraqitjen e yllit të tyre ndaj PSG-së

Driton Gajraku

Tifozët e Liverpoolit kanë reaguar në rrjetet sociale pasi një lojtar i skuadrës së tyre luajti shumë dobët kundër Paris Saint Germain në fitoren 1-0 në “Parkun e Princave”.

Të mërkurën mbrëma, lojtarët e Arne Slot mbërritën në një Parc des Princes armiqësor për të rifilluar përpjekjet e tyre për titullin e shtatë të Ligës së Kampionëve.

Përpara një turme të mbushur me tifozë, lojtarët e Luis Enriques grumbulluan presion të jashtëzakonshëm mbi Liverpoolin.

Mikpritësit iu anulua një gol për pozicion jashtë loje përpara se Alisson Becker të bënte disa pritje të shkëlqyera për të mbajtur rezultatin në 0-0.

Mbrojtësi i Liverpoolit, Ibrahima Konate, gjithashtu i mbijetoi një kontrolli të VAR-it, pasi rrëzoi Bradley Barcolan kur ai ishte në zonë.

Duke reaguar në mediat sociale, tifozët e Liverpool ishin më pak se të kënaqur me performancën e Andy Robertson pasi skocezi e kishte të vështirë kundër Ousmane Dembeled.

Një tifoz tha: “Andy Robertson ka përfunduar absolutisht shoku, ai duket si një lojtar nga Hull City”.

Një tjetër shkroi në Twitter: “Andy Robertson duhet të shitet. E turpshme”.

Një tifoz i tretë shtoi: “Andy Robertson është krejtësisht i padobishëm. Ndërprisni menjëherë kontratën e tij”.

Fatmirësisht për Robertson, Harvey Elliott shënoi golin e fitores në minutën e 86-të, për të shembur dominimin total që kishte PSG.  /Telegrafi/

Exit mobile version