Muzeu i Automobilave Petersen, një nga vendtakimet më gjithëpërfshirëse të historisë së automobilave, do ta mirëpret pret Porsche-në, një nga markat më ikonike të makinave, për 75-vjetorin e prodhuesit të automjeteve.
Ekspozita do të hapet me 16 prill, dhe do të mbahet në bashkëpunim me Porsche Cars North America.
E quajtur “We Are Porsche”, kjo ekspozitë do të fokusohet në atë se si figura ndikuese amerikane ndihmuan në transformimin e Porsche nga një ndërtues i veturave sportive në një fenomen kulturor, raporton Motor 1, transmeton Telegrafi.
Ndryshe ekspozita do të mbahet në katin e parë dhe të dytë të Muzeut Automobilistik Petersen dhe përmban 40 automjete unike, duke përfshirë:
Porsche 550 Spyder me të cilën garuan Betty Shutes dhe Ken Miles
Origjinali i Dean Jeffries “Outlaw Porsche”, Carrera 356 i personalizuar nga viti 1957
Makina e Formula 1 Porsche 804 e Dan Gurney e vitit 1962
Can-Am Spyder 917/30 1973 i Mark Donohue
Dhe Porsche 911 Turbo 1976 i Steve McQueen.
Ekspozita përfshin gjithashtu veturat Porsche të paraqitura në filma duke përfshirë “Top Gun: Maverick” dhe “Glass Onion: A Knives Out Mystery”. Për më tepër, ai thekson historitë e njerëzve që kontribuan në trashëgiminë e garave të Porsche, si Dan Gurney, Ken Miles, Hurley Haywood dhe Patrick Long.
Ekziston një seksion mbi “The Spyder Women”, një grup shoferësh makinash garash që drejtuan 550 Spyder, duke përfshirë Betty Shutes, Ruth Levy dhe Denise McCluggage. Së fundi, ekspozita përfshin edhe disa persona të famshëm, shoferë dhe artistë si Patrick Dempsey, Steve McQueen, Rod Emory dhe Daniel Arsham. /Telegrafi/
