Demonstruesit ndërprenë një debat parlamentar suedez mbi vendbanimet izraelite në Bregun Perëndimor të enjten duke hedhur një qese, që thuhet se përmbante domate, ndaj ministres së Jashtme suedeze.
Sipas mediave të huaja, përcjell Telegrafi, protestuesit pro-palestinezë filluan të bërtasin ndërsa ministrja e Jashtme Maria Malmer Stenergard u kthye në vendin e saj pasi iu drejtua parlamentit, tha ligjvënësi Ann-Sofie Alm për AFP.
“Ata filluan të bërtasin dhe të bënin rrëmujë… më pas dikush hodhi një send mbi ne deputetët”, tha Alm, duke shtuar se objekti ishte hedhur “në drejtim të ministres së Jashtme”.
Här flyr utrikesminister Maria Malmer Stenergard (M) debatten om Israel/Palestina i riksdagen efter att det kastats tomater mot henne. pic.twitter.com/JdD9m1B91H
— Jacob Zetterman (@ZettermanJacob) October 3, 2024
Sipas mediave suedeze, objekti ra në dy rreshta pas Stenergard, e cila la vendin e saj dhe u largua me shpejtësi nga dhoma.
Dhe disa media thanë se qesja përmbante domate.
Alm i tha AFP-së se ajo nuk e kishte parë përmbajtjen, por e përshkroi atë si një “çantë me një substancë të kuqe brenda”.
Kryeparlamentari i bëri thirrje sigurimit të largojë protestuesit dhe ndërpreu përkohësisht debatin.
Ndërkohë agjencia e lajmeve TT raportoi se tre persona u ndaluan nga sigurimi i parlamentit dhe u dorëzuan në polici. /Telegrafi/