Lionel Messi nuk është në mesin e më të mirëve në histori, sipas ish-trajnerit të Argjentinës, Carlos Bilardo.
Ylli i Barcelonës në janar ishte shpallur për të pestën herë futbollisti më i mirë në botë, pasi kishte ndihmuar Barcan të fitojë tripletën, kurse Argjentinën e dërgoi në finale të Kupës së Amerikës.
“Di Stefano ishte ‘superman’. Ai mund të merrte topin në portën e tij dhe ta dërgonte në atë të kundërshtarit. Pastaj janë Pele dhe Maradona”.
“Tani është Messi, por këta janë në periudha të ndryshme. E dija se Messi do ta fitonte ‘Topin e Artë’, e meritoi. Ka ndryshim të madh ndërmjet tij dhe Ronaldos. E vendos atë në mesin e më të mirëve, por jo në histori, vetëm për këtë moment”, ka thënë Bilardo për Ole.
Lionel Messi nga shumë njohës të futbollit njihet si lojtari më i mirë në botë i të gjitha kohërave.