Messi e Neymar qeshnin, derisa autoritetet braziliane ndërprenë ndeshjen shkaku i katër lojtarëve të Argjentinës

Lionel Messi e Neymar nuk mund të besonin se çfarë po ndodhte në takimin mes Brazilit dhe Argjentinës.

Kundërshtarë dhe bashkëlojtarë te Paris Saint-Germain, por dyshja diskutonin në distancë veprimet e zyrtarëve të ndeshjes.

Katër lojtarë të Argjentinës, që luajnë në Ligën Premier, nuk ishin karantinuar me kohë, duke injoruar kështu rregullat ant-COVID.

Lexo po ashtu Brazili kërcënon me largim katër lojtarë të Argjentinës – ndërpritet ndeshja

Kjo bëri që ndeshja për kualifikimet në Kupën e Botës, mes Brazili dhe Argjentinës të suspendohet për një afat të pacaktuar deri më tani.

Takimi që filloi në ora 21:00 zgjati vetëm pesë minuta, pasi zyrtarët brazilianë u futën në fushë dhe nuk lejuan të zhvillohej takimi.

Messi dhe Neymar shikonin nga distanca, derisa e qeshura mes tyre u kap nga kamerat.

Dy yjet e PSG-së ndoshta kanë qeshur me këtë veprim amatoresk të zyrtarëve, pasi këto gjëra do duhej të zgjidheshin para se të niste takimi. /Telegrafi/