Ish-sulmuesi i Barcelonës, Lionel Messi i dërgoi një mesazh të ëmbël mikut të madh, Luis Suarez, pasi ky i fundit njoftoi tërheqjen e tij nga futbolli ndërkombëtar.
Suarez njoftoi dje (e martë) se ndeshja kualifikuese për Kupën e Botës në shtëpi kundër Paraguait (7 shtator) do të jetë paraqitja e tij e fundit për kombëtaren.
Pensionimi i tij ka bërë bujë të madhe dhe shumë ish-bashkëlojtar dhe miq të tij i kanë bërë nderime. I fundit nga ta është Messi.
Messi dhe Suarez janë miq shumë të ngushtë dhe janë bashkëlojtarë edhe sot e kësaj dite në Inter Miami.
Dyshja dominoi Evropën dekadën e kaluar dhe Messi ka dërguar një fjalë vlerësimi për shokun e tij pas njoftimit për pensionim nga kombëtarja.
“Ti je unik, Luis Suarez, brenda dhe jashtë fushës!!! Të dua shumë”, ka shkruar Messi në në Instagram. /Telegrafi/