Messi arrin shifrën e 800 golave si profesionist

Lionel Messi ka arritur shifrën magjike të 800 golave në karrierën e tij si profesionist.

Kampioni në fuqi i Botës, Argjentina ka marrë një fitore 2-0 ndaj Panamasë para adhuruesve të vet dhe Messi nuk do ta harrojë kurrë këtë ndeshje.

Ishte minuta e 89-të e ndeshjes, kur gjeniu argjentinas realizoi një gol të jashtëzakonshëm nga gjuajtja e lirë për ta vulosur fitoren e Kombëtares argjentinase.

Me golin ndaj Panamasë, Messi ka arritur në kuotën e 800 golave në karrierën e tij si profesionist, ku ka realizuar me Barcelonën, Paris Saint Germain dhe Kombëtaren e Argjentinës.

35-vjeçari shifrën e 800 golave e ka arritur në 1017 ndeshje zyrtare me Barcelonën, PSG dhe Argjentinën.

Shtatë herë fituesi i Topit të Artë ka shënuar 672 gola në ndeshje zyrtar me Barcelonën, 29 gola me Paris Saint Germain dhe 99 gola me Kombëtaren e Argjentinës.

Lexo po ashtu Argjentina feston triumfin në Botëror me një atmosferë të jashtëzakonshme, Messi shënon nga gjuajtja e lirë në fitoren ndaj Panamasë

Ylli argjentinas tani mbetet 30 gola mbrapa Cristiano Ronaldos i cili ka shënuar 830 gola deri më tani në karrierën e tij, por që është tre vite më i vjetër se Messi. /Telegrafi/