Ka përfunduar pjesa e parë pa gola në mes të Olympiacosit dhe Fiorentinës në finalen e Ligës së Konferencës.
Viola mendoi se kishte shënuar në minutën e nëntë përmes Cristiano Biraghit, por që VAR-i e anuloi për pozicion jashtë loje.
Në minutën e 22-të, skuadra nga Serie A kishte një tjetër rast të artë, por kësaj here Giacomo Bonaventura nuk arriti të mposhtë Konstantinos Tzolakis.
Doppia occasione per Bonaventura, doppia parata!#OlympiacosFiorentina 0 – 0 | 22′ #UECLfinal
— ACF Fiorentina (@acffiorentina) May 29, 2024
Rastin e parë serioz për Olympiacosin e krijoi Daniel Podence (25’), por portieri i Fiorentinës ishte i vëmendshëm.
Ishte një dominim i lehtë nga Fiorentina në 45 minutat e parë, por që kishte shumë gabime në fazën e sulmit.
Në pjesën e dytë me gjasë do të ketë së paku një gol, me dy ekipet që do synojnë që t’i shmangin vazhdimet e po ashtu edhe penalltitë. /Telegrafi/