Duket se gjithçka ka përfunduar mes Real Madridit dhe Maqnchester Cityt në play-off-in e Ligës së Kampionëve, pasi madrilenët janë duke triumfuar 2-0 vetëm pas 45 minutave të parë.
Los Blancos janë aktualisht duke fituar me rezultat të përgjithshëm 5-2.
Pas vetëm katër minutash lojë, Kylian Mbappe kaloi Real Madridin në epërsi me një super gol, duke paraboluar portierin Ederson me një asistim të Raul Asencios.
Madrilenët vazhduan me dominim edhe më tej, duke mos lënë hapësira për skuadrën mysafire.
Por, Mbappe sërish gjeti hapësirë në defanzivën e e Cityt, ndërsa kësaj radhe u asistua prej Rodrygos.
Braziliani bëri një lëvizje të mençur, duke lënë topin të kalonte te francezin.
Mbappe bëri lëvizje mashtruese, duke lënë mbrojtësit e Cityt të ngrirë, ndërsa shënoi me lehtësi në portën e Ederson.
Me gjasë ka përfunduar gjithçka për Manchester Cityn, me Real Madridin që duket se do të kalojë në fazën e eliminimit direkt të Ligës së Kampionëve. /Telegrafi/