Sir Keir Starmer dhe Olaf Scholz kanë thënë se mbështetja e Mbretërisë së Bashkuar dhe Gjermanisë për Ukrainën mbetet “e palëkundur”.
Duke folur në një konferencë të përbashkët shtypi në Berlin, kryeministri britanik tha se Ukraina nuk po lufton vetëm për të mbrojtur veten nga agresioni rus, por edhe “për të gjithë njerëzit në të gjithë Evropën”.
Ndërsa Scholz, kancelari gjerman, theksoi se të dy vendet do të vazhdojnë të japin “mbështetje financiare, ekonomike, politike dhe ushtarake” për “për aq kohë sa kjo është e nevojshme”.
Në një konferencë shtypi së bashku me Olaf Scholz, Keir Starmer tha se ishte “i kënaqur” që ishte kthyer në Gjermani “në këtë moment mundësie për dy vendet”.
Starmer njoftoi një traktat të ri MB-Gjermani, duke e përshkruar atë si një “shans një herë në një brez për të ofruar për njerëzit që punojnë në Britani dhe Gjermani”.
“Një marrëveshje e re, një dëshmi e thellësisë së një potenciali të marrëdhënies sonë. Me lidhje më të thella mbi shkencën, teknologjinë, zhvillimin, njerëzit, biznesin [dhe] kulturën. Një nxitje për marrëdhëniet tona tregtare”. /Telegrafi/