Anthony Martial është rikthyer të flas për marrëdhënien e tij me trajnerin portugez Jose Mourinho.
Sulmuesi francez filloi të qëndronte në bankë nën urdhrat e Special One dhe shkëlqimi i tij humbi në Old Traford.
Martial ka treguar fillimisht se s’i ia hoqi fanellën me numrin nëntë Mourinho, duke ia dhënë atë 11.
“Filloi me numrin e fanellës. Gjatë pushimeve, ai më dërgoi një mesazh duke më pyetur nëse do të ndryshoja nga numri 9 në 11, duke më shpjeguar se ishte shumë më mirë sepse ishte numri i legjendës Ryan Giggs”.
“Unë i thashë që kisha respekt të madh për Giggs, por që do të preferoja të mbaja numrin tim 9. Dhe kur kthehem në klub, shoh fanellën time me numër 11”, tha Martial për France Football.
Tutje francezi shtoi se Mourinho e nënvlerësoi njëjtë siç kishte bërë me Benzeman në Real Madrid.
“Ai nuk më respektoi mua. Mourinho foli për mua në shtyp, fraza të vogla, pak ashtu siç kishte bërë me Karim Benzema në Real Madrid”.
“Në sezonin 2017-2018, unë isha golashënuesi më i mirë i ekipit. Megjithatë Mourinho solli Alexis Sanchez dhe pastaj nuk luajta shumë, ishte edhe sezoni i Botërorit dhe më kushtoi shumë në fund, sidomos pasi fitoi skuadra franceze, duhet të isha atje”, tha Martial. /Telegrafi/