Ylli i Real Madridit, Brahim Diaz ka përfunduar në listën e dëshirave të ekipit anglez, Manchester United.
Sipas mediumit Fichajes, Manchester United është i interesuar për mesfushorin me tipare sulmuese të Real Madridit, Brahim Diaz.
Burimi thekson se Djajtë e Kuq janë të interesuar për 25-vjeçarin maroken, i cili nuk ka marrë shumë kohë për të luajtur në klubin spanjoll.
Ruben Amorim e sheh Brahimin si një lojtar që mund të ndihmojë në thyerjen e mbrojtjeve me aftësinë e tij për të manovruar kundër një blloku të ulët.
Ndërsa tarifa e saktë e transferimit nuk bëhet e ditur, raportohet se Manchester United është i gatshëm të bëjë një investim të rëndësishëm në Diaz. /Telegrafi/