Sipas gazetës La Stampa, mbrojtësi i Manchester City, Joao Cancelo, i është ofruar Juventusit dhe Interit pasi Pep Guardiola nuk dëshiron ta mbajë portugezin në klub.
Cancelo ka luajtur më parë te Juventusi dhe Interi, ndërsa tani sërish iu është ofruar ish-klubeve të tij nga agjenti i tij, Jorge Mendes.
Çmimi i kërkuar i Manchester Cityt është rreth 25 milionë euro, ndërsa Cancelo thuhet se është i hapur për të ulur pagën e tij për të lehtësuar rikthimin e tij në Serie A dhe për të luajtur në Ligën e Kampionëve sezonin e ardhshëm.
Portugezi luajti për Interin në sezonin 2018-19, ndërsa iu bashkua Juventusit një vit pas.
Më pas portugezi u transferua te Manchester City nga Bianconerët në një marrëveshje shkëmbimi që përfshin mbrojtësin brazilian Danilo në verën e vitit 2019.
Cancelo ka pasur ngritje dhe ulje në “Etihad Stadium” dhe ka luajtur si huazim te Bayern Munich dhe Barcelona gjatë 18 muajve të fundit.
Mbrojtësi anësor ka kontratë me Manchester Cityn që skadon në qershor 2027. Ai tashmë ka luajtur 51 ndeshje në Serie A, duke shënuar dy gola dhe duke dhënë gjashtë asistime. /Telegrafi/