Këngëtari i njohur shkodran, Luiz Ejlli, ka bërë një njoftim të rëndësishëm për fansat.
Në një postim të shpërndarë në InstaStory, ai tregon se kënga e tij që do të publikohej sot, është shtyrë për të shtunën.
Kjo për shkak të rastit të 14-vjeçarit Martin Cani, i cili u ther me thikë nga një bashkëmoshatar i tij.
Njoftimi i plotë i Luizit:
“Për shkak të fatkeqësisë ku një 14-vjeçar humbi jetën, në emrin tim dhe të stafit tim SBS Musicent, kënga që do të publikohej sot, shtyhet për të shtunën në ora 19:00.
Prindër të Martinit, unë nuk mund të imagjinoj se si ndiheni…por e di shumë mirë se sa e keni dashur.
Ngushëllime”. /Telegrafi/
