Liverpooli është duke u përgatitur që ta rrëmbejë David Marshallin si transferim të lirë, nëse Simon Mignolet largohet në këtë verë – raporton Scottish Sun.
Portieri veteran është aktualisht te skuadra Hull City, por është jashtë kontratës në këtë verë dhe ai ka arritur të tërheqë interesimin e monitoruesve të lojtarëve të ‘The Reds’.
Liverpooli dëshiron ta transferojë Marshallin si mbështetës të Alisson Becker, mirëpo së pari duhet të zgjidhë të ardhmen e Mignolet që po e kërkon largimin.
34-vjeçari ka luajtur për Celticun nga viti 2002 deri në vitin 2007, para se të transferohej te Norwich City, Cardiff City dhe aktualisht te Hull City.
Edhe pse ka një përvojë të madhe në Ligën Premier, Marshall është paraqitur vetëm në 35 ndeshje qe tri sezone, duke qëndruar më shumë në bankën rezervë, megjithatë Liverpooli e dëshiron transferimin e tij. /Telegrafi/