Leonardo DiCaprio ka thënë se nuk ka qenë në kontakt me Sean ‘Diddy’ Combs për vite me radhë, pasi u shfaq një fotografi e vjetër që tregonte aktorin në një nga festat famëkeqe.
Në festë u raportua se kanë qenë po ashtu Kim Kardashian, Paris Hilton dhe Mariah Carey.
Combs u arrestua më 16 shtator nën akuza të shumta, si për trafikim, shantazh dhe sulm.
Photos from Diddy’s all white party have started going viral following his arrest last week. Some celebrities in attendance were Leonardo DiCaprio, Chris Brown, Mariah Carey, Paris Hilton, and more🧵 pic.twitter.com/lXJMFylaYB
— Historic Vids (@historyinmemes) September 23, 2024
Derisa reperi u deklarua i pafajshëm për akuzat, atij iu mohua lirimi me kusht dy herë dhe aktualisht është në burg në pritje të gjykimit.
Fotoja e rishfaqur tregon një DiCaprio shumë të ri duke shijuar veten në një nga festat e bardha të Combs, të cilat ishin të njohura për listat e tyre të të ftuarve të mbushura me yje dhe kodin e veshjes luksoze, krejt të bardhë.
Këto festa mbaheshin zakonisht në shtëpinë e Combs në East Hampton dhe shpesh merrnin pjesë nga elita e industrisë së argëtimit dhe muzikës.
Veç DiCaprios, shumë nga VIP-at e tjerë u distancuan nga këto ndeja të çmendura të Diddyt. /Telegrafi/
