Lidhja Demokratike e Kosovës duhet ta pranojë që e ka humbur Istogun, në një vend ku gjithmonë kanë thënë se e kanë bastion të tyre, ka thënë Lulzim Leci nga Aleanca për Ardhmërinë e Kosovës.
Këto komente Leci i bëri në emisionin “Click” të RTV21.
“Rezultati ka treguar se Gani Dreshaj ka dal fitues në raundin e dytë, në koalicion me qytetarët e Istogut dhe kjo që tashmë po flitet për gjoja vota të ardhura me postë, është e vërtet që votat kanë ardhur me postë dhe është një e vërtet e pamohuar që të njëjtat vota që kanë ardhur në raundin e dytë, kanë ardhur edhe në raundin e parë. Bile edhe ardhja e votave ka qenë nga i njëjti vend”, tha Leci./21Media/
