Tifozët mendojnë se Kyle Walker shfaqi një pjesë të ‘ADN-së së Tottenhamit’ pas fitores 1-0 të Manchester City ndaj rivalëve për titull, Arsenalit në kuadër të FA Cup.
Një gol i minutës së 64-të nga mbrojtësi Nathan Ake vulosi kualifikimin e Cityt në raundin e pestë të FA Cup, por në fund, ishte një lojë që nuk arriti të përmbushte pritshmëritë.
Duke ardhur në ndeshjen e së premtes në Etihad, shumë prisnin një ndeshje konkurruese midis dy skuadrave më në formë të Ligës Premier, por ky parashikim nuk doli.
Thënë këtë, ne pamë vetëm disa skena argëtuese pas vërshëllimës së fundit.
Kyle Walker, i cili hyri në lojë si zëvendësues në pjesën e dytë për Rico Lewis, vendosi të bërtasë në fytyrën e ish-bashkëlojtarit të Cityt, Oleksandr Zinchenko pas fishkëllimës së plotë.
Megjithatë, gjithçka ishte argëtim dhe lojë, pasi Walker dhe Zinchenko shkëmbyen fanellat përpara se të shkonin poshtë tunelit së bashku.
Ata që kanë qenë të ulur pranë tunelit në Etihad të premten mbrëma, kanë qenë dëshmitarë të një momenti që përfshinte Walker dhe një fanellë të Arsenalit.
Siç mund ta shihni në pamjet e mëposhtme, një tifoz hodhi një fanellë të Gunners ndaj ish-mbrojtësit të Spurs teksa i afrohej tunelit.
Kyle Walker threw the Arsenal shirt right back 😅 pic.twitter.com/IiM7ipL3Ou
— ESPN FC (@ESPNFC) January 28, 2023
Walker mori fanellën përpara se ta hidhte përsëri lartë tek tifozët në tribunë – një moment që bëri që fansat të flisnin në mediat sociale.
Shumica nga ta komentuan në lidhje me atë që Walker ka ende “ADN-në e Tottenhamit”, pasi është rritur tek klubi londinez dhe ka luajtur për shumë vite përpara transferimin te City. /Telegrafi/