Mentor Zhdrella ka dhënë vlerësimin e tij rreth atij që i takon epiteti i mesfushorit më të mirë në Superligën e Kosovës kur u pyet në podcastin “Arena e Yjeve” në Telegrafi.
Zhdrella gjatë karrierës së tij të bujshme si futbollist ka veshur fanellën e disa ekipeve të njohura si 2 Korriku, Hysi, Drita, Prishtina, Llapi dhe Dukagjini.
“Ka shumë lojtarë shumë të mirë në futbollin e Kosovës, në të gjitha ekipet”, ka thënë fillimisht drejtori aktual sporti i Llapit.
“Paraqitja që aktualisht po më bënë është ajo e lojtarit të Prishtinës, Albin Krasniqit”.
“Mendoj se është lojtari kyç i Prishtinës, ka një formë momentale shumë të mirë. Një mesfushor ofanziv, një djalë që ka perspektivë, që po jem një kontribut shumë të madh”, ka shtuar më tej Zhdrella.
Nëse dëshironi që ta ndiqni podcastin e plotë me mysafirin e ftuar, më poshtë gjeni linkun e YouTube.
Këtë podcast mund ta ndiqni edhe në TV Dukagjini çdo të shtunë nga ora 18:10, ndërsa nuk do të ishte i mundur pa përkrahjen e sponsorëve Patos dhe DentFix. /Telegrafi/
