Kryeministri i Kosovës, Albin Kurti, në Ditën e Përkujtimit për ushtarët e rënë amerikanë, ka kujtuar rolin e rëndësishëm të SHBA-së në ndalimin e gjenocidit në Kosovë në vitin 1999.
Në një postim në platformën “X”, Kurti ka përmendur edhe rolin e Ushtrisë së SHBA-së si garantuese e paqes në Ballkanin Perëndimor.
“Në këtë Ditë të Përkujtimeve, ne bashkohemi me SHBA-në në kujtimin e ushtarëve amerikanë që dhanë jetët e tyre në mbrojtje të lirisë, barazisë dhe demokracisë. Ne po ashtu nderojmë rolin e pazëvendësueshëm të ushtrisë së SHBA-së në ndalimin e gjenocidit në vitin 1999 – dhe rolin e saj të vazhdueshëm si garantuese e paqes në rajonin tonë”, ka shkruar Kurti në platformën “X”.
On this #MemorialDay, we join the U.S. in remembering 🇺🇲 soldiers who gave their lives in defense of freedom, equality & democracy. We also honor the U.S. military's indispensable role in stopping genocide in 1999—and its continuing role as a guarantor of peace in our region.
— Albin Kurti (@albinkurti) May 27, 2024