Filmi i parë i Krishtlindjeve i këtij viti është lansuar në Netflix, ndërsa aktorja kontroverse amerikane dhe ish-ylli i adoleshentëve, Lindsay Lohan, është në rolin kryesor.
Komedia romantike “Falling for Christmas” shënon edhe rikthimin e 36-vjeçares në ekran.
Ngjarja ka të bëjë me një trashëgimtare të llastuar të hotelit, e sapofejuar, e cila pëson një aksident gjatë skijimit. Në këtë proces, ajo humb kujtesën dhe e gjen veten nën kujdesin e pronarit të pashëm të vilës dhe vajzës së tij në ditët para Krishtlindjeve.
Filmi po ngjitet dalëngadalë në trendin e Netflix, megjithatë ka një vlerësim prej 5.6 në IMDb, ndërsa krahas Lindsayt, në këtë film luajnë edhe Chord Overstreet e Jack Wagner.
Si për kujtesë, Lohan është më i njohur për rolet kryesore në ribërjet hit të filmave “The Parent Trap” dhe “Freaky Friday”, si dhe për komedinë adoleshente “Mean Girls” nga viti 2004.
Emri i saj është përcjellë nga skandale të shumta, ndërsa në media kanë qarkulluar lajme lidhur me festat e saja të shthurura me Paris Hilton, raportet e këqija me nënën, marrëdhëniet e stuhishme të dashurisë e të ngjashme.
Aktorja kundërthënëse i mbushte çdo ditë titujt e gazetave me lajme për vjedhje, gjoba që policia i jepte rregullisht për shpejtësi dhe më pas habiti me vendimin e saj të papritur për t’u konvertuar në Islam. /Telegrafi/