Dejan Kulusevski është një nga blerjet e mëdha të Juventusit, ndërsa edhe pse i ri, ai ka arritur të zë vend në formacion.
Suedezi ka folur me fjalë të mëdha për trajnerin Andre Pirlo, duke thënë që është perfekt për lojtarët e ri.
“Pirlo është shumë i rëndësishëm dhe le të themi perfekt për ne të rinjtë, pasi në fushë luan gjithmonë ai që ka cilësi”.
“Trajneri nuk ndikohet nga mosha apo rëndësia që kanë lojtarët në dhomat e zhveshjes, pasi nëse angazhohesh në maksimum në stërvitje, është e sigurt që do të jesh në formacion në fundjavë”.
“Kjo është mjaft e rëndësishme për ne të rinjtë, pasi na shton besimin dhe dëshirën për të konkurruar me më të vjetrit”, ka thënë Kulusevski.
Suedezi u ble nga Juventusi që në muajin janar, por iu bashkua bardhezinjve vetëm në fund të sezonit të kaluar. /Telegrafi/