Të hënën mbrëma si pasojë e një aksdienti rrugor, në rrugën Klinë-Istog, një person ka vdekur dhe dy të tjerë janë lënduar.
Kryetari i Komunës së Klinës, Zenun Elezaj, ka bërë të ditur se viktima e aksidentit është i riu nga Drenoci, Armend Rexhepi.
Elezaj ka shprehur ngushëllime familjes.
“Mbrëmja e së hënës komunës së Klinës i solli pikëllim të madh. Në aksidentin që ndodhi në Klinë, humbi jetën i riu nga Drenoci i Klinës, Armend Rexhepi. Familjes Rexhepi, miqve dhe shokëve të Armendit, ju shpreh ngushëllimet më të sinqerta! Armendi u prehtë në paqe! Qoftë i përjetshëm kujtimi për të”, ka thënë ai.
Ndërkaq, sipas disa fotografive të publikuar në rrjetet sociale, shihet se përplasja ka ndodhur mes një veture dhe autobusit të kompanisë “Bala Reisen”.
Zëdhënësi i policisë për rajonin e Pejës Fadil Gash, mbrëmë ka deklaruar se personat e lënduar kanë marrë tretman mjekësor, ndërsa policia po merret me detajet e aksidentit në fjalë./Telegrafi.
