Ministri i Bujqësisë, Faton Peci sërish ka shkruar rreth prodhimit të grurit në vend, duke thënë se Kosova ka siguruar bukën e motmotit.
Peci në një postim në Facebook shkruan se vendi ynë konsumon mesatarisht 260.000 tonë grurë në vit, ndërkaq të dhënat flasin për prodhim rekord, së paku 300.000 tonë grurë të prodhuar.
Lexoni të plotë postimin:
Kosova siguron bukën e motmotit!
Vendi ynë konsumon mesatarisht 260.000 ton grurë në vit!
Të dhënat nga të katër anët e vendit flasim për prodhim rekord.
Së paku do ti kemi 300.000 ton grurë të prodhuar.
E gjithë ky sukses është realizuar përmes:
Thjeshtimit të procedurave të aplikimit;
Rritjes së përkrahjes me subvencione me mbi 200%;
Rritjes së sipërfaqeve të mbjella me grurë mbi 60%;
Punës së palodhur të bujqve tanë dhe begatisë nga Zoti!
Transparencës;
Meritokracisë!
Për bukën e sofrës!
Zoti e bekoftë Kosovën!. /Telegrafi/
